Telegram-ը Ռուսաստանում 11,4 մլն ռուբլու տուգանք է ստացել

Մոսկվայի դատարանը Telegram մեսենջերին տուգանել է 11,4 մլն ռուբլով՝ Ռուսաստանում արգելված տեղեկությունները չհեռացնելու համար։ Այս մասին հայտնում է ՌԻԱ Նովոստին։

Դատարանի տվյալներով՝ հարթակը չի հեռացրել երեք հրապարակում, որոնք, ըստ ռուսական կողմի, պարունակել են Ուկրաինայում ռազմական գործողությունների վերաբերյալ «ոչ հավաստի տեղեկություններ», ինչպես նաև ծայրահեղական բովանդակություն։

Telegram-ի նկատմամբ կազմվել է երեք արձանագրություն՝ յուրաքանչյուրով սահմանելով 3,8 մլն ռուբլու տուգանք։ Ընդհանուր գումարը կազմել է 11,4 մլն ռուբլի։

Ավելի վաղ Մոսկվայի Տագանսկի դատարանը նույն պատճառաբանությամբ Telegram-ին տուգանել էր ևս 3,8 մլն ռուբլով։