«90 միլիարդը դեռ չեն ստացել, արդեն նոր գումար են ուզում»․ Ֆիցո

Եվրամիությունը Ուկրաինայի համար հաստատել է 90 մլրդ եվրոյի վարկ, սակայն Կիևն արդեն հայտարարում է ֆինանսական միջոցների պակասի մասին և լրացուցիչ աջակցություն է պահանջում։ Այս մասին հայտարարել է Սլովակիայի վարչապետ Ռոբերտ Ֆիցոն, փոխանցում է ՌԻԱ Նովոստին։

«Նկատե՞լ եք, որ Ուկրաինան արդեն ասում է, թե փող չունի։ 90 միլիարդի վարկը հաստատվել է, իսկ նրանք արդեն նոր գումար են խնդրում»,- ասել է Ֆիցոն։

Սլովակիայի վարչապետը նաև հայտարարել է, որ իր ղեկավարած կառավարությունը չի մասնակցի Ուկրաինային ռազմական և ֆինանսական օգնության տրամադրմանը։ Նրա խոսքով՝ Բրատիսլավան պետք է խուսափի նաև զինված հակամարտության մեջ ներգրավվելուց։

Ավելի վաղ ԵՄ արտաքին քաղաքականության և անվտանգության հարցերով բարձր ներկայացուցիչ Կայա Կալասը հայտնել էր, որ 2023 թվականից Եվրամիությանը չի հաջողվում Ուկրաինայի համար ապաշրջափակել Եվրոպական խաղաղության հիմնադրամում պահվող 6,6 մլրդ եվրոն՝ անդամ երկրների միջև տարաձայնությունների պատճառով։