Ռուսական լրատվամիջոցները անդրադարձել են Պուտին-Փաշինյան պայմանավորվածությանը

Հայաստանն ու Ռուսաստանը Բիշքեկում կայացած բանակցությունների ընթացքում պայմանավորվել են իրականացնել երկկողմ հարաբերությունների, այսպես կոչված, «գույքագրում»։ Այս մասին հայտարարել է ՀՀ վարչապետ Նիկոլ Փաշինյանը, փոխանցում է «Sputnik Արմենիա»-ն։

Փաշինյանի խոսքով՝ նպատակը հայ-ռուսական հարաբերությունների տարբեր ուղղությունները մանրամասն դիտարկելն ու հստակեցնելն է, թե որ հարցերում են Երևանի և Մոսկվայի դիրքորոշումները համընկնում, իսկ որ հարցերում՝ տարբերվում։

Վարչապետի հայտարարության համաձայն՝ նման պայմանավորվածություն է ձեռք բերվել Ռուսաստանի նախագահ Վլադիմիր Պուտինի հետ Բիշքեկում կայացած բանակցությունների ժամանակ, գրում է Lenta.ru-ն։