Արտակարգ դեպք՝ «Volkswagen»-ը բռնկվել է․ ավտոմեքենան ամբողջությամբ այրվել է

Սեպտեմբերի 3-ին՝ ժամը 14։30-ի սահմաններում, Կոտայքի մարզի Մայակովսկի գյուղում ավտոմեքենա է այրվել․ փոխանցում է shamshyan.com-ը։

Դեպքի վայր ժամանած փրկարարները մարել են 54-ամյա Գառնիկ Ա․-ի վարած «Volkswagen»-ում բռնկված հրդեհը, սակայն մեքենան ամբողջությամբ այրվել է և վերածվել մոխրակույտի։

Դեպքի վայրում աշխատել են նաև ոստիկանության պարեկներն ու համայնքային ոստիկանության ծառայողները։ Դեպքի փաստով ոստիկանության Կոտայքի բաժնում փաստաթղթեր են կազմվում, պարզվում են ավտոմեքենայի սեփականատիրոջ և վարորդի ինքնությունը։