Կառավարությունը 1.47 մլրդ դրամ է ուղղում կրթական հաստատությունների շինարարությանն ու գույքին

Կառավարության որոշմամբ՝ 2026 թվականի պետական բյուջեում կկատարվի 1 մլրդ 473.4 մլն դրամի վերաբաշխում՝ կրթական և մարզական հաստատությունների շինարարության, նախագծման ու գույքային ապահովման նպատակով։ 

Միջոցներից շուրջ 451.3 մլն դրամը կուղղվի շինարարական աշխատանքներին, 20.4 մլն դրամը՝ նախագծանախահաշվային փաստաթղթերին, իսկ շուրջ 1 մլրդ դրամը՝ գույքի ձեռքբերմանը։ 

Մասնավորապես, 350.5 մլն դրամով կավելացվի Արթուր Աբրահամի անվան մարզահամալիրի կառուցման ֆինանսավորումը, իսկ 100.8 մլն դրամ կհատկացվի Երևանի օլիմպիական հերթափոխի պետական մարզական քոլեջի ըմբշամարտի մարզադահլիճի վերակառուցմանը։