Ինչ է փոխվում. ինչ պիտի իմանան վարորդները

Պարեկային ծառայության աշխատակիցները, կախված իրենց կատարած ծառայողական առաջադրանքից, այսուհետ կարող են հերթապահություն իրականացնել ինչպես միացված, այնպես էլ անջատված առկայծող փարոսիկներով։

Պարեկային ծառայության պետի տեղակալ Արման Չիլինգարյանի խոսքով՝ փարոսիկները միացվում են մի շարք կոնկրետ իրավիճակներում։ Մասնավորապես՝ ճանապարհատրանսպորտային պատահարների վայրերում աշխատանքներ կատարելիս, զանգվածային կամ հանրային միջոցառումների ընթացքում երթևեկության անվտանգությունն ապահովելիս, իրավախախտում կատարած վարորդներին կանգնեցնելու ժամանակ, ինչպես նաև կանխարգելիչ ու ծառայողական այլ գործողություններ իրականացնելիս։