Գիտնականները ուղեղի ազդանշաններում հայտնաբերել են բառերի «հետքերը»

Հարավային դաշնային համալսարանի գիտնականները մշակել են մեթոդ, որը թույլ է տալիս ուղեղի ազդանշանների միջոցով ճանաչել մարդու մտքում արտասանվող որոշ բառեր՝ առանց դրանք բարձրաձայնելու։ Հետազոտության արդյունքները հրապարակվել են Scientific Data գիտական ամսագրում։

Գիտնականներին հաջողվել է էլեկտրաէնցեֆալոգրաֆիայի (ԷԷԳ) միջոցով տարբերակել վեց հրահանգների՝ «վերև», «ներքև», «ձախ», «աջ», «առաջ» և «հետ» բառերի հետ կապված ուղեղային ակտիվության առանձնահատուկ պատկերները։ Փորձին մասնակցել է 22 մարդ՝ 12 ռուսախոս և 10 իսպանախոս։

Ներկայում համակարգը ուղեղի ազդանշանները ճանաչում է մոտ 78% ճշգրտությամբ։ Հետագայում գիտնականները նախատեսում են բառապաշարը վեց բառից հասցնել մի քանի տասնյակի, իսկ ճանաչման ճշգրտությունը՝ մինչև 90%։

Մշակման հիմնական նպատակն է ստեղծել «ուղեղ-համակարգիչ» ինտերֆեյսներ այն մարդկանց համար, որոնք ծանր հիվանդությունների պատճառով չեն կարող խոսել կամ շարժվել։ Ապագայում նման տեխնոլոգիաները կարող են թույլ տալ միայն մտքի միջոցով հրահանգներ տալ սարքերին կամ տեքստ գրել։