Ավտովթար՝ Կոտայքի մարզում․ բախվել են «Mercedes C»-ն և «Mercedes E»-ն․ կա վիրավոր
Արտակարգ Պատահար
Օգոստոսի 27-ին ավտովթար է տեղի ունեցել Կոտայքի մարզում։ Ժամը 18։50-ի սահմաններում Կոտայք գյուղի Կենտրոնական փողոցում բախվել են Կոտայքի մարզի բնակիչներ 36-ամյա Վասիլ Թ․-ի վարած «Mercedes C» մակնիշի և 41-ամյա Նորայր Ս․-ի վարած «Mercedes E» մակնիշի ավտոմեքենաները, ինչի հետևանքով երկուսն էլ հայտնվել են հետիոտի համար նախատեսված մայթին։
Դեպքի վայր են ժամանել ՀՀ ներքին գործերի նախարարության ոստիկանության պարեկային ծառայության Կոտայքի մարզի գումարտակի 2-րդ վաշտի 1-ին դասակի պարեկները՝ գումարտակի հրամանատար Ալբերտ Մարտիրոսյանի, գումարտակի հրամանատարի տեղակալ Վահագն Կարապետյանի, գումարտակի ծառայության ավագ տեսուչ Արտակ Ասատրյանի և գումարտակի ծառայության տեսուչ Կառլեն Բաղյանի գլխավորությամբ։
Տարածքը սահմանազատել են նույն վաշտի պարեկներ Գոռ Աբրահամյանը և Վահան Թորոսյանը։
Վթարի մասին ՊԾ Կոտայքի մարզի գումարտակից տեղեկությունը փոխանցել են ՀՀ քննչական կոմիտեի Կոտայքի մարզային քննչական վարչության Աբովյանի քննչական բաժին, որտեղից ժամանել է քննչական խումբը՝ բաժնի պետ Գոռ Դավթյանի և օրվա հերթապահ քննիչի գլխավորությամբ։
Վթարի փաստով Աբովյանի քննչական բաժնում նախաձեռնվել է քրեական վարույթ։
ՈՒՂԻՂ ԵԹԵՐ
Ամենադիտված 
Մահացել է երգիչ Հովհաննես Գրիգորյանը
