Կիպրոսի ափերի մոտ լաստանավի խորտակման հետևանքով զոհերի թիվը հասել է 13-ի

Կիպրոսի ափերի մոտ լաստանավի աղետի հետևանքով զոհերի թիվը հասել է 13-ի։ Եվս 15 մարդ համարվում է անհետ կորած, նրանց որոնումները շարունակվում են, հայտնում է CNN Türk-ը։

259 ուղևոր և անձնակազմի 8 անդամ տեղափոխող լաստանավը շրջվել է օգոստոսի 30-ին՝ Հյուսիսային Կիպրոսի Կիրենիա (Գիրնե) քաղաքի ափից մոտ 2,5 կմ հեռավորության վրա։

Փրկարարական աշխատանքներին մասնակցում են Թուրքիայից ուղարկված նավեր և հատուկ ստորաբաժանումներ։ Որոնողական աշխատանքները շարունակվում են ինչպես ծովում, այնպես էլ նավի խորտակման վայրի շրջակայքում։

Աղետի պատճառները պարզելու համար հետաքննություն է ընթանում։ Գործի շրջանակում ձերբակալվել է նավի ինը աշխատակից, այդ թվում՝ կապիտանը։