Բժշկի փոխարեն՝ սոցցանցերի հետևորդներ․ տարածվում է «անվճար խորհրդատվության» նոր միտումը

Ռուսաստանում սոցցանցերի օգտատերերը սկսել են ավելի հաճախ հրապարակել իրենց անալիզների արդյունքները, բժշկական հետազոտությունների պատկերներն ու առողջական գանգատները՝ հույս ունենալով անվճար խորհուրդ ստանալ հետևորդների թվում գտնվող բժիշկներից։ Նոր միտման մասին հայտնում է Baza-ն։

Հրապարակման համաձայն՝ այս տարբերակից առավել հաճախ օգտվում են երիտասարդները՝ հիմնականում թերապևտի, ատամնաբույժի կամ վիրաբույժի խորհրդատվություն ստանալու համար։ Բժիշկները երբեմն պատասխանում են անձնական հաղորդագրություններով՝ ուսումնասիրելով արդեն պատրաստ հետազոտությունների արդյունքները։ Նման հնարավորությունից սկսել են ավելի ակտիվ օգտվել նաև բազմազավակ և միայնակ մայրերը։

Baza-ի տվյալներով՝ Մոսկվայում թերապևտի խորհրդատվությունը կարող է արժենալ մինչև 4,5 հազար ռուբլի, իսկ ատամնաբույժինը՝ մինչև 2,5 հազար ռուբլի, ինչի պատճառով որոշ օգտատերեր փորձում են մասնագիտական խորհուրդ ստանալ սոցցանցերի միջոցով՝ առանց վճարելու։

Միևնույն ժամանակ նման առցանց խորհուրդները չեն կարող լիարժեք փոխարինել բժշկի զննմանը և ախտորոշմանը, հատկապես երբ խոսքը լուրջ ախտանշանների կամ բուժման նշանակման մասին է։