Ռուսաստանում հղիները կարող են վճարովի հիվանդության թերթիկ ստանալ հղիության ցանկացած փուլում

Ռուսաստանում կանայք իրավունք ունեն հղիության ցանկացած փուլում, առողջական վիճակից ելնելով, ձևակերպել վճարովի հիվանդության թերթիկ։ Այս մասին ՌԻԱ Նովոստիին հայտնել է Պետդումայի պատգամավոր, «Մայրերի խորհրդի» նախագահ Տատյանա Բուցկայան։

Նրա խոսքով՝ հիվանդության թերթիկը կարող է տրամադրվել այնքան ժամանակով և այնքան անգամ, որքան անհրաժեշտ է կնոջ առողջական վիճակից ելնելով։ Բուցկայան նշել է, որ, օրինակ, հղիության առաջին եռամսյակում ուժեղ տոքսիկոզը բավարար հիմք կարող է լինել հիվանդության թերթիկ ստանալու համար։

Պատգամավորը նաև հիշեցրել է, որ Ռուսաստանում հղիության և ծննդաբերության արձակուրդը սովորաբար սկսվում է հղիության 30-րդ շաբաթից, իսկ բազմապտուղ հղիության դեպքում՝ 28-րդ շաբաթից։