Պենտագոնի ղեկավարը Իրանին սպառնացել է ոչնչացնել նրա նավթային նավատորմը
Աշխարհ
Պենտագոնի ղեկավար Փիթ Հեգսեթը սպառնացել է Իրանին ոչնչացնել և խորտակել նավթային տանկերները, եթե կրկնվեն ամերիկյան ռազմական նավերի վրա հարձակումները։
«Ամեն ինչ պարզ է․ եթե Իրանը կրակի ԱՄՆ նավերի ուղղությամբ, մենք կոչնչացնենք նրանց նավթային տանկերները։ Այն ամենը, ինչ նրանք պետք է անեն, դա ԱՄՆ ռազմածովային ուժերի ուղղությամբ չկրակելն է», — գրել է Հեգսեթը X սոցիալական ցանցում։
Պենտագոնի ղեկավարի համոզմամբ, Իրանի նավթային նավատորմը գրեթե անպաշտպան է, քանի որ, ինչպես հայտարարել է նա, Իրանը «չունի ոչ ռազմածովային նավատորմ, ոչ ռազմաօդային ուժեր»։ Նա հավելել է, որ ամերիկյան ինքնաթիռները, նավերը և սուզանավերը ընդունակ են հարվածներ հասցնել իրանական տանկերներին ԱՄՆ Կենտրոնական և Հնդկա-Խաղաղօվկիանոսյան հրամանատարությունների պատասխանատվության գոտիներում։
Հեգսեթի հայտարարությունը հնչել է այն բանից հետո, երբ Իսլամական հեղափոխության պահապանների կորպուսը (ԻՀՊԿ) հայտարարել էր ամերիկյան ավիակրի և էսկադրային ականակրի վրա բալիստիկ հարվածներ հասցնելու մասին։ Ամերիկյան Կենտրոնական հրամանատարության (CENTCOM) տվյալներով, նավերը խուսափել են մի քանի հրթիռային հարձակումներից, իսկ ամերիկացի զինծառայողները չեն տուժել։
ՈՒՂԻՂ ԵԹԵՐ
Ամենադիտված 
«Գուստավ» ռեստորանի մենեջերը կանանց զուգարանում գաղտնի տեսանկարահանումներ է իրականացրել․ ՆԳՆ-ն ստուգում է տեղեկությունը
