Ռուսական ավիացիայում սկսել են ակտիվորեն կիրառել արհեստական բանականություն

Ռուսաստանի ավիացիոն ոլորտում արհեստական բանականությունն օգտագործվում է ավիաընկերությունների չվացուցակների կազմման, օդանավակայաններում ուղևորների սպասարկման, թռիչքների աերոնավիգացիոն ապահովման, ինչպես նաև ռուսական ինքնաթիռների ստեղծման ժամանակ։ Այս մասին հայտարարել է «Ռոսավիացիայի» ղեկավար Դմիտրի Յադրովը։

Նրա խոսքով՝ արհեստական բանականության տեխնոլոգիաները, մասնավորապես, հնարավորություն են տալիս կանխատեսել օդում հնարավոր վտանգավոր իրավիճակները և օդանավերի բախման սպառնալիքները՝ դրանք կանխելու նպատակով։

Յադրովը նշել է, որ ԱԲ-ն կիրառվում է նաև ռուսական ինքնաթիռների մշակման ժամանակ։ Տեխնոլոգիաներն օգնում են սերտիֆիկացման գործընթացում, թվային կրկնօրինակների և տարբեր մոդելների ստեղծման գործում։