Հռոմի պապ Լևոն XIV-ն հանդես է եկել հայտարարությամբ
Աշխարհ
Վատիկանի Սուրբ Պետրոսի հրապարակում կիրակնօրյա ավանդական քարոզի ավարտին Հռոմի պապ Լևոն XIV-ն անդրադարձել է ուկրաինական հակամարտության կարգավորման նախաձեռնություններին։ Կաթոլիկ եկեղեցու առաջնորդը հույս է հայտնել, որ բանակցային գործընթացի վերականգնմանն ուղղված ներկայիս ջանքերը շոշափելի արդյունքներ կտան և լայն հնարավորություն կստեղծեն դիվանագիտական քայլերի համար։
Պոնտիֆիկոսն իր աջակցությունն է հայտնել ռազմական գործողությունների, ինչպես նաև Ռուսաստանի տարածքին հասցված հարվածների հետևանքով զոհվածների հարազատներին ու տուժածներին։ Նա կոչ է արել աշխարհում բոլոր հակամարտությունների կարգավորման հարցում առաջնորդվել խաղաղության և համերաշխության սկզբունքով՝ սիրտը բացելով երկխոսության առջև։ Ավելի վաղ՝ օգոստոսի սկզբին, նա արդեն հանդես էր եկել Ուկրաինայում բռնության շղթան կանգնեցնելու և միջազգային իրավունքի նորմերը հարգելու հայտարարությամբ։
Հիշեցնենք՝ Ռուսաստանի նախագահ Վլադիմիր Պուտինը շուրջ երեք ժամ տևած հանդիպում էր ունեցել ԱՄՆ նախագահի հատուկ բանագնաց Սթիվ Ուիթքոֆի և Ջարեդ Քուշների հետ։ Բանակցություններին ռուսական կողմից մասնակցել էին նաև ՌԴ նախագահի օգնական Յուրի Ուշակովը և ՌԴ նախագահի հատուկ ներկայացուցիչ, ՌՈւՆՀ (РФПИ) ղեկավար Կիրիլ Դմիտրիևը։
ՈՒՂԻՂ ԵԹԵՐ
Ամենադիտված 
«Գուստավ» ռեստորանի մենեջերը կանանց զուգարանում գաղտնի տեսանկարահանումներ է իրականացրել․ ՆԳՆ-ն ստուգում է տեղեկությունը
