Ռյազանի նավթավերամշակման գործարանին հարվածից շարքից դուրս է եկել հզորությունների ավելի քան 77%-ը

Ուկրաինական ԱԹՍ-ները հարվածել են Ռուսաստանում Ռյազանի նավթավերամշակման գործարանի՝ նավթի առաջնային վերամշակման խոշորագույն կայանքներին։ Այս մասին հայտնում է «ՌԲԿ-Ուկրաինան»՝ հղում անելով FirePoint ընկերությանը։

Ընկերության տվյալներով՝ FP-1 ԱԹՍ-ները հարվածել են ԷԼՈՈւ-ԱՎՏ-6 կայանքի թորման աշտարակներին։ Այն գործարանի նավթի առաջնային վերամշակման ամենախոշոր կայանքն է՝ տարեկան 8,5 մլն տոննա հզորությամբ։

Հաղորդվում է նաև ԱՎՏ-3 կայանքի սարքավորումներին հասցված հարվածի մասին։ Դրա տարեկան հզորությունը 3,1 մլն տոննա է։

Ըստ FirePoint-ի՝ հարվածների ենթարկված երկու կայանքները միասին ապահովում են Ռյազանի ՆՎԳ-ի նավթի առաջնային վերամշակման ընդհանուր հզորությունների ավելի քան 77%-ը։

Գործարանին հարվածը հասցվել է գիշերային ԱԹՍ-ների հարձակման ժամանակ, որից հետո ՆՎԳ-ի տարածքում հրդեհ էր բռնկվել։ Ռյազանի մարզի նահանգապետ Պավել Մալկովը հաստատել էր ձեռնարկություններից մեկում հրդեհի բռնկումը՝ չնշելով, թե կոնկրետ որ օբյեկտի մասին է խոսքը։