Վրաստանը Ղազախստանին է արտահանձնել 1,5 մլն դոլարի անշարժ գույքի խարդախության մեջ կասկածվող անձին

Վրաստանը Ղազախստանին է արտահանձնել հանրապետության մի քաղաքացու, որը կասկածվում է Ալմաթիում առևտրային անշարժ գույքի հետ կապված 1,5 մլն դոլարի խարդախության մեջ։ Այդ մասին հայտնել է Ղազախստանի գլխավոր դատախազությունը։

Քննության տվյալներով, 2023 թվականի նոյեմբեր-դեկտեմբերին տղամարդը, առևտրային օբյեկտ վաճառելու պատրվակով, խաբեությամբ տուժողից ստացել է 1,5 մլն դոլար։ Դրանից հետո նա թաքնվել է և հայտարարվել միջազգային հետախուզման մեջ։

2025 թվականի դեկտեմբերին կասկածյալը ձերբակալվել է Վրաստանի տարածքում։ Ղազախստանի հարցումը քննարկելուց հետո վրացական կողմը նրան հանձնել է Ղազախստանի իրավապահ մարմիններին։ Արտահանձնումն իրականացվել է Ղազախստանի գլխավոր դատախազության և ՆԳՆ Ինտերպոլի աշխատակիցների կողմից՝ Վրաստանում երկրի դեսպանության աջակցությամբ։

Ղազախստան վերադարձվելուց հետո տղամարդուն տեղավորել են քննչական մեկուսարանում։ Մեղավոր ճանաչվելու դեպքում նրան սպառնում է մինչև 10 տարվա ազատազրկում՝ գույքի բռնագրավմամբ։