Փոխադարձ առևտուր․ հայ և թուրք գործարարների հանդիպումները արդյունավետ են եղել

Սեպտեմբերի 3-4-ը Երևանում կայացած հայ-թուրքական գործարար հանդիպումները կարևոր քայլ են Հայաստանի և Թուրքիայի միջև տնտեսական համագործակցության զարգացման համար։

Հայաստանի արդյունաբերողների և գործարարների միության հաղորդմամբ՝ Վանի առևտրաարդյունաբերական պալատը ներկայացնող շուրջ 80 գործարար հանդիպումներ են ունեցել հայ գործարարների հետ։

Հանդիպումների ընթացքում քննարկվել են երկու երկրների միջև փոխադարձ առևտրի ընդլայնման և ներդրումային համագործակցության հնարավորությունները։

Համատեղ հայտարարության հեղինակները կարևորել են՝

երկու երկրների միջև առևտրի ծավալների ավելացումը,

Հայաստանի և Թուրքիայի միջև սահմանային անցակետերի բացումն ու սահմանը հատելու փոխադարձ դյուրացումը,

տրանսպորտային հաղորդակցության բարելավումն ու գործող ենթակառուցվածքների արդյունավետ օգտագործումը,

գործարարների փոխայցերի և B2B հանդիպումների թվի ավելացումը,

համատեղ ներդրումների և արտադրությունների հնարավորությունների ուսումնասիրումը,

զբոսաշրջության, լոգիստիկայի, գյուղատնտեսության, սննդի, տեքստիլի և այլ ոլորտներում համագործակցության զարգացումը։