Փաշինյանն ընդգծել է Հունաստանի աջակցությունը ՀՀ բարեփոխումներին

Վարչապետ Նիկոլ Փաշինյանն ընդունել է Հայաստանում Հունաստանի դեսպան Խրիստոս Սոֆիանոպուլոսին, ով ավարտում է իր դիվանագիտական առաքելությունը։

Փաշինյանը շնորհակալություն է հայտնել դեսպանին հայ-հունական հարաբերությունների զարգացմանն ու փոխգործակցությանը նպաստելու համար՝ ընդգծելով Հունաստանի աջակցությունը ՀՀ կառավարության բարեփոխումների իրականացման գործընթացին։

Դեսպանն էլ նշել է, որ երկու երկրների միջև առկա է ակտիվ քաղաքական երկխոսություն, և վստահություն հայտնել, որ առաջիկայում կզարգանան նաև առևտրատնտեսական կապերը։