Քսենիա Սոբչակին անվանել են զումերների «կուռք»

Ռուս հայտնի բլոգեր Մաքսիմ Լուտչակը հայտարարել է, որ հեռուստահաղորդավարուհի Քսենիա Սոբչակը մեծ ժողովրդականություն է վայելում Z սերնդի ներկայացուցիչների շրջանում։ Այս մասին նա ասել է «VK Видео»-ում հրապարակված հարցազրույցում։

Սոբչակի հետ զրույցում Լուտչակը նշել է, որ երիտասարդները սիրում և հարգում են նրան՝ հեռուստահաղորդավարուհուն անվանելով զումերների «կուռք»։ Սոբչակն ի պատասխան կատակել է, որ իրեն չափազանց տարեց է համարում Z սերնդի ներկայացուցիչների համար։

Բլոգերը, սակայն, չի համաձայնել նրա հետ և հեգնանքով նշել է, որ Սոբչակի դեպքում կարելի է օգտագործել երիտասարդների շրջանում տարածված «плесень хайпует» արտահայտությունը՝ ակնարկելով, որ չնայած տարիքին՝ նա շարունակում է մնալ հանրության ուշադրության կենտրոնում և հետաքրքրել երիտասարդ լսարանին։