Սիմոնյանը պատմել է՝ որքան հաճախ է շփվում Պուտինի հետ

RT հեռուստաալիքի և «Ռոսիա սեգոդնյա» միջազգային մեդիախմբի գլխավոր խմբագիր Մարգարիտա Սիմոնյանը հայտնել է, որ ժամանակ առ ժամանակ շփվում է ՌԴ նախագահ Վլադիմիր Պուտինի հետ։ Այս մասին նա պատմել է իր գրքի շնորհանդեսի ժամանակ՝ պատասխանելով ընթերցողների հարցերին, գրում է KP.RU-ն։

Հարցին՝ արդյոք նա անձամբ կապ է պահպանում Պուտինի հետ, Սիմոնյանը պատասխանել է, որ նման շփումներ լինում են, սակայն՝ հազվադեպ։

Սիմոնյանը նաև նշել է, որ նախկինում չէր մտածել Պուտինի մասին գիրք գրելու մասին, սակայն իրեն ուղղված հարցից հետո պատրաստ է դիտարկել այդ գաղափարը։ Նրա խոսքով՝ Ռուսաստանի նախագահի մասին արդեն բազմաթիվ գրքեր են գրվել, և ինքը վստահ չէ, որ կարող է ավելի լավը գրել։

2025 թվականի մայիսին Պուտինը Սիմոնյանին պարգևատրել էր «Հայրենիքին մատուցած ծառայությունների համար» III աստիճանի շքանշանով։