Գիշերային վթար Երևանում․ «Nissan»-ը գլխիվայր, «Lada»-ն կողաշրջվել է

Սեպտեմբերի 8-ին՝ ժամը 02:40-ի սահմաններում, ավտովթար է տեղի ունեցել Երևանում։ Շրջանցիկ թունել փողոցում «Lada» մակնիշի ավտոմեքենան բախվել է կայանված «Nissan»-ին. փոխանցում է shamshyan.com-ը։

Բախման հետևանքով «Nissan»-ը գլխիվայր շրջվել է, իսկ «Lada»-ն՝ կողաշրջվել։

Դեպքի առթիվ Պարեկային ծառայության Երևան քաղաքի գնդում կազմվում են փաստաթղթեր։ Պարզվում են մեքենաների վարորդների և սեփականատերերի ինքնությունները։