«Փակել են հեռուստաալիքներ, վտարել լրագրողների»․ Զախարովա

ՌԴ ԱԳՆ խոսնակ Մարիա Զախարովան հայտարարել է, որ արտերկրում ռուսական լրատվամիջոցների նկատմամբ իրականացվում են «համակարգված ճնշումներ և տարբեր ձևաչափերի ռեպրեսիաներ»։

Նրա խոսքով՝ մի շարք արևմտյան երկրներ, որոնք հրապարակայնորեն հանդես են գալիս մամուլի ազատության պաշտպանության օգտին, տարբեր պատճառաբանություններով արգելափակել են ռուսական հեռուստաալիքների հեռարձակումը, փակել թղթակցությունների գրասենյակները և արտաքսել լրագրողների։

Զախարովան կոչ է արել համաշխարհային մեդիահանրությանը համերաշխություն ցուցաբերել ռուսաստանցի գործընկերներին և բարձրաձայնել նրանց նկատմամբ, իր բնորոշմամբ, քաղաքական դրդապատճառներով իրականացվող ճնշումների դեմ։