Երկու բնակավայր անցել է ռուսական ուժերի վերահսկողության տակ․ ՌԴ ՊՆ
Ռուսաստան
Ռուսաստանի զինված ուժերի «Հյուսիս» զորախումբը վերահսկողություն է հաստատել Խարկովի մարզի Դոլգենկոյե և Բերեզնիկի գյուղերի նկատմամբ։ Այս մասին հայտնել է Ռուսաստանի Դաշնության պաշտպանության նախարարությունը՝ նշելով, որ տվյալ ուղղությամբ շարունակվում են հակառակորդի շրջապատման շրջագծի ընդլայնման և ներքին օղակի սեղմման աշխատանքները։
Ռազմական գերատեսչության տարածած տվյալների համաձայն՝ շրջափակման մեջ հայտնված ուկրաինական ուժերի ուղղությամբ հարվածներ են հասցվել Մալայա Վոլչյա, Վարվարովկա, Բուզովո և Նեֆեդովկա բնակավայրերի շրջանում։ Ռուսական կողմը պնդում է, որ ուկրաինական ստորաբաժանումների՝ օղակից դուրս գալու բոլոր փորձերը կանխվել են։
ՌԴ ՊՆ-ն նաև տեղեկացրել է մարտերի ընթացքում հակառակորդի կրած կորուստների մասին։ Ըստ հաղորդագրության՝ վերջին մեկ օրվա ընթացքում շփման գծի այդ հատվածում ուկրաինական զինուժը կորցրել է մինչև 30 զինծառայող, մեկ զրահապատ մարտական մեքենա, երկու կվադրոցիկլ, ինչպես նաև անօդաչու թռչող սարքերի ղեկավարման երեք կետ։ Ուկրաինական կողմն այս տվյալների վերաբերյալ պաշտոնական մեկնաբանություն առայժմ չի տվել։


















































Ամենադիտված
Երևանն անցնում է նոր ժամային գրաֆիկի