ՀՀ փոխվարչապետը Visa-ի ներկայացուցչի հետ ունեցել է քննարկում

ՀՀ փոխվարչապետ Մհեր Գրիգորյանն ընդունել է Կենտրոնական Եվրոպայի, Մերձավոր Արևելքի և Աֆրիկայի տարածաշրջանում միջազգային վճարային համակարգի՝ Visa-ի տարածաշրջանային տնօրեն Թարիք Մահմուդի գլխավորած պատվիրակությանը։

Հանդիպման ընթացքում փոխվարչապետը կարևորել է POS-տերմինալներով անկանխիկ վճարումների դեպքում գանձվող միջնորդավճարների նվազեցումը։

Մհեր Գրիգորյանն առաջարկել է Visa-ի գործընկեր բանկերի հետ քննարկել այդ միջնորդավճարների նվազեցման հնարավոր տարբերակները։