Ոչ բոլոր ըմպելիքներով կարելի է դեղ խմել․ կենսաքիմիկոսը նշել է՝ որն է ճիշտ տարբերակը

Դեղահաբերը մեծամասամբ խորհուրդ է տրվում ընդունել սովորական ջրով, քանի որ սուրճը, թեյը, կաթն ու մրգային հյութերը կարող են ազդել որոշ դեղանյութերի ներծծման և օրգանիզմում դրանց ազդեցության վրա։ Այս մասին NEWS.ru-ին հայտնել է կենսաբանական գիտությունների թեկնածու, կենսաքիմիկոս Ռամի Ահմադ Մասամրեխը։

Մասնագետի խոսքով՝ կարևոր է նաև պահպանել դեղամիջոցի ընդունման ցուցումները։ Որոշ դեղեր անհրաժեշտ է ընդունել դատարկ ստամոքսին, որպեսզի ակտիվ նյութը պատշաճ ներծծվի, իսկ մյուսների դեպքում, հակառակը, սնունդը կարող է անհրաժեշտ լինել դեղի ճիշտ յուրացման համար։

Կենսաքիմիկոսը նշել է, որ սնունդը կարող է փոխել ստամոքսի դատարկման արագությունը, թթվայնությունն ու ֆերմենտների քանակը։ Այդ պատճառով ընդունման կանոնների խախտումը կարող է նվազեցնել որոշ դեղամիջոցների արդյունավետությունը։

Մասամրեխը նաև խորհուրդ է տվել առանց բժշկի կամ դեղագործի հետ խորհրդակցելու չփոխել դեղի ընդունման ժամերը կամ սննդի հետ դրա համադրությունը։ Հատկապես կարևոր է զգուշություն ցուցաբերել միաժամանակ մի քանի դեղամիջոց ընդունելիս, քանի որ դրանց պահանջներն ու փոխազդեցությունները կարող են տարբեր լինել։