«Պետք է արմատախիլ արվի պորտաբույծների համակարգը»․ Ավինյան

Երևանի քաղաքապետ Տիգրան Ավինյանը հայտարարել է, որ համատիրությունների գործող համակարգը պետք է արմատապես փոխվի։

«Մարդիկ շատ լավ հասկանում են՝ իրենց համատիրություններն ինչ գործառույթներ ունեն, ու այդ գործառույթները փաստացի տեսնում են, որ չեն իրականացվում։ Պետք է նորմալ ընտրություն կազմակերպվի ու արմատախիլ արվի այդ պորտաբույծների համակարգը»,- ասել է Ավինյանը։

Նրա խոսքով՝ որոշ համատիրությունների աշխատակիցներ պարզապես ստանում են աշխատավարձ՝ առանց իրենց գործառույթները պատշաճ կատարելու։

Ավինյանը նաև պնդել է, որ նախկին իշխանություններն այդ համակարգն օգտագործել են ընտրական նպատակներով։ «Պետք է էդ պորտը կտրել»,- ասել է Երևանի քաղաքապետը։