Կրեմլում Գերմանիայի՝ Ռուսաստանի նկատմամբ դիրքորոշումն «անբացատրելի և ոչ ռացիոնալ» են անվանել

ՌԴ նախագահի մամուլի քարտուղար Դմիտրի Պեսկովը Գերմանիայի ղեկավարության՝ Ռուսաստանի նկատմամբ դիրքորոշումն անվանել է «դժվար բացատրելի, ոչ ռացիոնալ և իրականությանը չհամապատասխանող»։

Ավելի վաղ Գերմանիայի կանցլեր Ֆրիդրիխ Մերցը հայտարարել էր, որ մտադիր չէ փոխել Ռուսաստանի նկատմամբ իր քաղաքականությունը՝ չնայած այն հանգամանքին, որ այդ դիրքորոշումը բացասաբար է անդրադառնում իր ղեկավարած Քրիստոնեա-դեմոկրատական միության (ՔԴՄ) վարկանիշի վրա։

«Ամեն ինչ Ռուսաստանի վրա բարդելու, ամեն ինչում Ռուսաստանին մեղադրելու միտումը դժվար բացատրելի և ոչ ռացիոնալ վարքագիծ է»,- լրագրողներին ասել է Պեսկովը՝ պնդելով, որ նման քաղաքականությամբ Գերմանիայի ղեկավարությունը վնաս է հասցնում սեփական երկրին։

Հայտարարությունը հնչել է Սաքսոնիա-Անհալթ երկրամասի խորհրդարանական ընտրությունների ֆոնին, որտեղ, նախնական տվյալներով, «Այլընտրանք Գերմանիայի համար» կուսակցությունը ստացել է ձայների 43,8 տոկոսը։ Մերցն ընդունել է իր ղեկավարած ՔԴՄ-ի պարտությունը։