Ռուսաստանում կստեղծվի վառելիքի շուկայի իրավիճակը վերահսկող համակարգ

ՌԴ փոխվարչապետ Ալեքսանդր Նովակը հանձնարարել է արագացնել վառելիքի շուկայում իրավիճակի մշտադիտարկման տեղեկատվական համակարգի ստեղծումն ու կատարելագործումը։ Այս մասին հայտնել է Ռուսաստանի կառավարությունը։

Նովակը վառելիքի շուկայում ստեղծված իրավիճակի վերաբերյալ խորհրդակցություն է անցկացրել Դաշնության խորհրդի, էներգետիկայի, գյուղատնտեսության և տրանսպորտի նախարարությունների, Դաշնային հակամենաշնորհային ծառայության, ոլորտային ընկերությունների և տարածաշրջանների ղեկավարների մասնակցությամբ։

Խորհրդակցության արդյունքներով համապատասխան գերատեսչություններին հանձնարարվել է ակտիվացնել աշխատանքը մի շարք ուղղություններով, այդ թվում՝ շարունակել վառելիքի շուկայի վիճակին հետևելու միասնական տեղեկատվական համակարգի ձևավորումն ու կատարելագործումը։