ՌԴ-ից կոշտ պայման՝ Հայաստանին․ Զատուլինի աղմկահարույց հայտարարությունը

Ռուսաստանի և Հայաստանի առևտրատնտեսական հարաբերություններում որևէ մեղմացում կամ զիջում չի նախատեսվում, քանի դեռ Հայաստանի վարչապետի պաշտոնը զբաղեցնում է Նիկոլ Փաշինյանը։ Այս մասին «ՆՍՆ»-ի հետ զրույցում հայտարարել է ՌԴ Պետդումայի ԱՊՀ գործերով կոմիտեի փոխնախագահ Կոնստանտին Զատուլինը։

Ռուսաստանցի պատգամավորի գնահատմամբ՝ երկկողմ հարաբերությունների վատթարացման առանցքային պատճառը Երևանի որդեգրած գիծն է, մասնավորապես՝ Մոսկվայի հակառակորդների հետ դաշինքներ կազմելու փորձերը։ 

Զատուլինը նշել է, որ չնայած պարբերական շփումներին՝ Մոսկվան չի պատրաստվում տեղի տալ Հայաստանի կողմից ենթադրյալ շանտաժին։ 

Միաժամանակ նա կարծիք է հայտնել, թե Հայաստանի իշխանությունները հազիվ թե Եվրամիությանն անդամակցելու հարցով հանրաքվե նախաձեռնեն՝ անբարենպաստ արդյունքից խուսափելու պատճառով։