Վարկ ստանալն ավելի է դժվարացել․ բանկերը մերժում են դիմումների գրեթե 78%-ը. ՌԴ

2026 թվականի օգոստոսին Ռուսաստանում սպառողական վարկերի դիմումների մերժման մասնաբաժինը հասել է 77,9%-ի՝ հուլիսի 76,6%-ի դիմաց։ Այս մասին վկայում են Վարկային պատմությունների ազգային բյուրոյի (НБКИ) տվյալները։

Մերժումների ամենաբարձր ցուցանիշը գրանցվել է Անդրբայկալյան երկրամասում՝ 81,1%, Կեմերովոյի մարզում՝ 80,5%, և Իրկուտսկի մարզում՝ 79,8%։ Ամենացածր ցուցանիշները գրանցվել են Սանկտ Պետերբուրգում՝ 74%, Նիժնի Նովգորոդի մարզում՝ 74,2%, և Մոսկվայում՝ 74,3%։

НБКИ-ի ներկայացուցիչ Ալեքսեյ Վոլկովի խոսքով՝ մերժումների աճի պատճառներից մեկը Ռուսաստանի Կենտրոնական բանկի կողմից վարկավորման պահանջների խստացումն է։ Հատկապես նվազել են արդեն իսկ բարձր պարտքային բեռ ունեցող քաղաքացիների՝ նոր վարկ ստանալու հնարավորությունները։ Նրա խոսքով՝ բանկերը շարունակում են զգուշավոր վերաբերվել բարձր ռիսկով վարկառուներին։

Միևնույն ժամանակ Ռուսաստանում վարկերի պահանջարկն աճել է․ հունվար-օգոստոսին տրամադրված վարկերի ընդհանուր ծավալը տարեկան կտրվածքով ավելացել է 1,4 անգամ՝ հասնելով 7,8 տրլն ռուբլու։