Մերցն ու Վայդելը Բունդեսթագում կոշտ բանավեճի են բռնվել Ռուսաստանի և Ուկրաինայի հարցով
Աշխարհ
Գերմանիայի կանցլեր Ֆրիդրիխ Մերցի և «Այլընտրանք Գերմանիայի համար» (AfD) կուսակցության համանախագահ Ալիս Վայդելի միջև Բունդեսթագում սուր բանավեճ է տեղի ունեցել։ Վեճի առանցքում հայտնվել են Ռուսաստանի հետ հարաբերությունները, Ուկրաինային աջակցությունը, ինչպես նաև Գերմանիայի միգրացիոն և էներգետիկ քաղաքականությունը, հայտնում է The Guardian-ը։
Վայդելը քննադատել է կառավարության քաղաքականությունը և կոչ արել վերականգնել գազի մատակարարումները «Հյուսիսային հոսք» գազատարով։ Դիմելով Մերցին՝ նա հայտարարել է, որ կանցլերը չի հասկացել Սաքսոնիա-Անհալթի ընտրողների ուղերձը՝ հավելելով. «Ձեր ժամանակն, ամեն դեպքում, սպառվել է»։
Մերցն իր հերթին AfD-ի առաջնորդին անվանել է «կործանարար ուժ» և հայտարարել, որ Գերմանիան շարունակելու է աջակցել Ուկրաինային։ Նրա խոսքով՝ Վայդելը խեղաթյուրում է զոհի և ագրեսորի դերերը, մինչդեռ Ուկրաինան, ըստ կանցլերի, պաշտպանում է նաև Եվրոպայի ազատությունը։
Ավելի վաղ Վայդելը AfD-ի հաջողությունը Սաքսոնիա-Անհալթի ընտրություններում կապել էր Մերցի կառավարության միգրացիոն և էներգետիկ քաղաքականության հետ՝ կանցլերին անվանելով նաև «ծանր բեռ» Գերմանիայի համար։
ՈՒՂԻՂ ԵԹԵՐ
Ամենադիտված 
Դիրքում բռնшբшրnւթյшն դեպքը տեսած, ապա սպшնված 3 զինվորների ծնողներն արդարադատություն են պահանջում (տեսանյութ)
