Ֆիլիպ Կիրկորովը 10 մլն ռուբլի է ծախսել ընտանեկան հուշահամալիրի կառուցման համար

Երգիչ Ֆիլիպ Կիրկորովը Մոսկվայի Տրոեկուրովյան գերեզմանատանը ընտանեկան հուշահամալիր է կառուցել, որի արժեքը կազմել է շուրջ 10 մլն ռուբլի, հայտնում է Mash-ը։

Հուշահամալիրում գտնվում է անցյալ տարվա մարտին մահացած նրա հոր՝ Բեդրոս Կիրկորովի գերեզմանը։ Բացի այդ, Բուլղարիայից այնտեղ են տեղափոխվել երգչի մոր, տատի և պապի աճյունասափորները։ Հուշարձանի կառուցման աշխատանքները տևել են մոտ կես տարի, իսկ գրանիտը բերվել է Կարելիայից։

Հուշահամալիրի բացմանը ներկա են եղել Լյուսյա Չեբոտինան, Վլադիմիր Վինոկուրը, Անդրեյ Մալախովը, Իրինա Վիները, Եվգենի Պետրոսյանը, Նելլի Կոբզոնը, ինչպես նաև Կիրկորովի երեխաները՝ Ալլա-Վիկտորիան և Մարտինը։

Հուշահամալիրի բացման համար սեպտեմբերի 9-ը պատահական չի ընտրվել։ Կիրկորովի խոսքով՝ այդ ամսաթիվը հատուկ նշանակություն է ունեցել իր հոր համար․ 1944 թվականի սեպտեմբերի 9-ին խորհրդային զորքերը մտել էին Բուլղարիա։