Պեսկովը Եվրոպային գազի գների նոր ռեկորդներ է կանխատեսել

Եվրոպայում գազի բորսայական գնի կտրուկ աճը՝ 1000 խորանարդ մետրի դիմաց ավելի քան 950 դոլար, դեռևս առավելագույնը չէ, և առաջիկայում կարող են նոր ռեկորդներ գրանցվել։ Այս մասին հայտարարել է ՌԴ նախագահի մամուլի քարտուղար Դմիտրի Պեսկովը։

Նրա խոսքով՝ նույնիսկ գազի պահեստների լիցքավորման առավելագույն տեմպերի դեպքում եվրոպական երկրները կարող են չհասցնել մինչև ձմեռ ապահովել անհրաժեշտ պաշարները։ «Գազի ներկայիս գինը ռեկորդային չէ։ Ռեկորդները դեռ առջևում են, և եվրոպացիները դա գիտակցում են»,- ասել է Պեսկովը։

Կրեմլի ներկայացուցիչը նաև հայտարարել է, որ Եվրոպան քաղաքական պատճառներով չի օգտագործում «Հյուսիսային հոսքի» պահպանված գիծը, որը, նրա պնդմամբ, հնարավոր է արագ գործարկել։ Պեսկովի խոսքով՝ դրա փոխարեն եվրոպական երկրները ստիպված են ավելի բարձր գնով գազ գնել սփոթային շուկայում։

Սեպտեմբերի 9-ին Եվրոպայում գազի գինը գերազանցել է 950 դոլարը՝ առաջին անգամ 2022 թվականի դեկտեմբերից ի վեր։ ԵՄ գազապահեստները սեպտեմբերի սկզբին լցված են եղել մոտ 60%-ով, իսկ ջեռուցման սեզոնի մեկնարկին դրանց մակարդակը կարող է կազմել ընդամենը 70-75%։