Թրամփը կարծում է, որ ԱՄՆ-ին վենեսուելական նավթի պաշարները կբավականացնեն 500 տարի

Վենեսուելայի հետ էներգետիկ համաձայնագրի արդյունքում Միացյալ Նահանգները հասանելիություն է ստացել 500 տարի բավարար նավթի պաշարների, հայտարարել է ԱՄՆ նախագահ Դոնալդ Թրամփը։

«Եկեք խոսենք նավթի մասին։ Մենք աշխարհի ամենամեծ նավթարտադրողն ենք, նույնիսկ առանց Վենեսուելայի, որը վերջերս ավելացրինք մեր պաշարներին։ Սա ամենամեծ նավթային գործարքն է և, հավանաբար, մեր երկրի պատմության մեջ ամենամեծ գործարքը։

65 միլիարդ բարելը մերն է, և գիտե՞ք, թե դա ինչ է նշանակում։ Դա ցմահ է, 500 տարի», – ասել է նա չորեքշաբթի երեկոյան Դալասում Հանրապետականների ազգային համագումարում ելույթ ունենալիս, որը տեղի է ունենում նոյեմբերի միջանկյալ ընտրություններից առաջ։

Ըստ Թրամփի՝ Վաշինգտոնը «գերազանց հարաբերություններ» է կառուցել Կարակասի հետ։