Գիտնականները ճարպային բջիջներում հայտնաբերել են աչքի եղջերաթաղանթի վերականգնմանը նպաստող հատկություն

Ռուս գիտնականները մարդու այտերի ճարպային հյուսվածքից ստացված բջիջների մոտ հայտնաբերել են հատկություններ, որոնք ապագայում կարող են կիրառվել աչքի եղջերաթաղանթի վնասվածքների բուժման և ոսկրային հյուսվածքի վերականգնման համար։

Հետազոտողները ուսումնասիրել են, այսպես կոչված, Բիշի ճարպային բարձիկներից ստացված մեզենխիմալ ցողունային բջիջները։ Դրանք ունակ են վերածվելու աճառային, ոսկրային և ճարպային հյուսվածքի բջիջների, ինչպես նաև մասնակցել վերականգնողական գործընթացներին։

Գիտնականների խոսքով՝ եղջերաթաղանթի վնասման դեպքում առաջացող որոշ բջիջների չափազանց ակտիվ աշխատանքը կարող է սպիացում առաջացնել և վատացնել տեսողությունը։ Հետազոտությունը ցույց է տվել, որ Բիշի ճարպային բարձիկներից ստացված ցողունային բջիջները կարող են օգնել կարգավորել այդ գործընթացը և ապագայում կիրառվել եղջերաթաղանթի վնասվածքների բուժման մեջ։

Բացի այդ, փորձերը ցույց են տվել, որ այս բջիջները լավ համատեղելի են ոսկրային հյուսվածքի վերականգնման համար օգտագործվող տիտան-նիկելային ցանցային իմպլանտների հետ։ Հետազոտությունն առայժմ խոսում է բուժման հնարավոր մեթոդի, ոչ թե արդեն կիրառվող պատրաստի թերապիայի մասին։