Պերուի և Էկվադորի սահմանին 5,3 մագնիտուդով երկրաշարժ է տեղի ունեցել

Պերուի և Էկվադորի սահմանային շրջանում սեպտեմբերի 10-ին 5,3 մագնիտուդով երկրաշարժ է գրանցվել։ Այս մասին հայտնել է Եվրոպական-միջերկրածովյան սեյսմոլոգիական կենտրոնը (EMSC)։

Ստորգետնյա ցնցումները գրանցվել են տեղական ժամանակով 01:42-ին։ Երկրաշարժի էպիկենտրոնը գտնվել է Էկվադորի Յանցասա քաղաքից մոտ 140 կմ արևելք, իսկ օջախի խորությունը կազմել է 10 կմ։

Հնարավոր զոհերի, տուժածների կամ ավերածությունների մասին առայժմ տեղեկություններ չեն հաղորդվում։

Մեկ օր առաջ՝ սեպտեմբերի 9-ին, 5,0 մագնիտուդով երկրաշարժ էր գրանցվել նաև Արգենտինայի Սալտա նահանգում։