Էլիստայում Քրիստոսի հայտնության 80-ամյակի առթիվ ավելի քան 700 ուխտավոր կմասնակցի խաչերթի

Կալմիկիայի մայրաքաղաք Էլիստայում սեպտեմբերի 10-ին կանցկացվեն պատարագ և խաչերթ՝ նվիրված քաղաքում Քրիստոսի հայտնության 80-ամյակին։ Միջոցառմանը մասնակցելու հայտ է ներկայացրել ավելի քան 700 ուխտավոր։

Ըստ եկեղեցական ավանդության՝ 1946 թվականի սեպտեմբերի 11-ին Էլիստայի Սուրբ Խաչի եկեղեցում պատարագի ժամանակ 26 մարդ՝ հավատացյալներ և քահանան, վկայել են, որ լույսի ճառագայթների մեջ տեսել են Քրիստոսի կերպարը՝ հոգևորականի հանդերձանքով։

Վկաներից Սեմյոն Բոնդարենկոն հետագայում ոտքով մեկնել է Ստավրոպոլ և պատվիրել «Տեր Հիսուս Քրիստոսի հայտնությունը Էլիստա քաղաքում աղոթողներին» սրբապատկերը։ Մեկ տարի անց այն տեղափոխվել է Էլիստա, որտեղ մինչ օրս պահպանվում և հարգվում է հավատացյալների կողմից։

Հոբելյանի շրջանակում նախատեսված են նաև համերգ, վավերագրական ֆիլմի ցուցադրություն և կրոնական ու մշակութային թեմաներով քննարկումներ։