Մերցին կոչ են արել դադարեցնել «Կիևի շահերը սպասարկելու» քաղաքականությունը

«Այլընտրանք Գերմանիայի համար» (AfD) կուսակցության պատգամավոր Գոթֆրիդ Կուրիոն Բունդեսթագում կոշտ քննադատության է ենթարկել կանցլեր Ֆրիդրիխ Մերցին՝ կոչ անելով դադարեցնել Կիևին շարունակական աջակցությունը։

«Պարոն կանցլեր Մերց, ձեր յուրաքանչյուր երկրորդ նախադասությունն Ուկրաինայի մասին է, իսկ յուրաքանչյուր երրորդը՝ այն մասին, որ գերմանացիները պետք է ավելի շատ աշխատեն և ավելի շատ միլիարդներ ուղարկեն արտերկիր»,- հայտարարել է Կուրիոն։ Նրա պնդմամբ՝ Գերմանիայի կողմից Ուկրաինային ուղղվող միջոցների ընդհանուր ծավալն արդեն գերազանցում է 100 մլրդ եվրոն։

Պատգամավորը Մերցի քաղաքականությունն անվանել է «սեփական քաղաքացիների նկատմամբ ծայրահեղ թշնամական»՝ պնդելով, որ Գերմանիան չպետք է շարունակի զոհողությունների գնալ Ուկրաինայի պատերազմի պատճառով։

Ավելի վաղ հաղորդվել էր նաև Բեռլինի և Կիևի միջև տարաձայնությունների մասին՝ կապված Ուկրաինային տրամադրվող գերմանական միջոցների օգտագործման հետ։