Ռուբլին զգալիորեն ամրապնդվել է․ դոլարի փոխարժեքը նվազել է ավելի քան 1,8%-ով

Սեպտեմբերի 10-ին ռուսական ռուբլին զգալիորեն ամրապնդվել է արտարժույթի շուկայում։ Forex-ում դոլարի փոխարժեքը որոշ պահերի նվազել է ավելի քան 1,8%-ով՝ հասնելով մոտ 83,5 ռուբլու։

Մոսկվայի ժամանակով մոտ 11:20-ին մեկ դոլարը վաճառվել է 83,62 ռուբլով, իսկ ավելի ուշ փոխարժեքը նվազել է մինչև 83,5 ռուբլի։ Օրվա ընթացքում գրանցված նվազագույն ցուցանիշը կազմել է 83,47 ռուբլի մեկ դոլարի դիմաց։

Վերլուծաբանները ռուբլու ամրապնդումը կապում են մի քանի գործոնի հետ։ Դրանց թվում են Մերձավոր Արևելքում լարվածության նոր սրման հետևանքով նավթի գների կտրուկ աճը, ինչպես նաև Ռուսաստանի և ԱՄՆ-ի միջև աշխարհաքաղաքական ֆոնի որոշակի բարելավումը՝ Վլադիմիր Պուտինի և Դոնալդ Թրամփի վերջին հեռախոսազրույցից հետո։

Միևնույն ժամանակ փորձագետները ռուբլու հետագա կտրուկ ամրապնդում չեն կանխատեսում։ Վերլուծաբան Նատալյա Վաշչելյուկի գնահատմամբ՝ սեպտեմբերի կեսերին դոլարի փոխարժեքը կարող է վերադառնալ 85–87 ռուբլու միջակայք։