18-ամյա Ադամ Կադիրովը հանրության առաջ է հայտնվել լեյտենանտի ուսադիրներով

Չեչնիայի ղեկավար Ռամզան Կադիրովի որդին՝ տարածաշրջանի Անվտանգության խորհրդի քարտուղար Ադամ Կադիրովը, հանրության առաջ է հայտնվել ոստիկանության լեյտենանտի կոչմանը համապատասխանող ուսադիրներով։ Տեսանյութը հրապարակվել է Ռամզան Կադիրովի Telegram ալիքում։

Կադրերում 18-ամյա Կադիրովը հորն ուղեկցում է Չեչնիայի ուժային կառույցների ղեկավարների հետ խորհրդակցության ժամանակ։ Նա կրում է Ռոսգվարդիայի տարբերանշաններով սև համազգեստ և լեյտենանտի նոր ուսադիրներ։

2026 թվականի մարտին Ադամ Կադիրովը պաշտոնական միջոցառման ժամանակ հայտնվել էր մայորի կոչմանը համապատասխանող տարբերանշաններով։ ՏԱՍՍ-ն այն ժամանակ հայտնել էր, որ նա մայոր է դարձել, սակայն ավելի ուշ Չեչնիայի իշխանությունները պարզաբանել էին, որ նրա իրական կոչումը կրտսեր լեյտենանտ է։

Ռուսաստանում գործող կարգի համաձայն՝ կրտսեր լեյտենանտից լեյտենանտի կոչում ստանալու համար ոստիկանության աշխատակիցը պետք է այդ կոչումով ծառայի առնվազն մեկ տարի։