Գևորգ Պապոյանը քննարկել է ջերմոցային վարդերի արտադրության և արտահանման զարգացումը

Էկոնոմիկայի նախարար Գևորգ Պապոյանը հանդիպել է Հայաստանում բարձր տեխնոլոգիաների կիրառմամբ վարդերի աճեցմամբ զբաղվող գործարարների հետ։

Քննարկվել են ջերմոցային ոլորտի պետական քաղաքականությունը, արտահանման խթանման գործող աջակցության մեխանիզմները, արտահանման գործընթացների կազմակերպումը, ինչպես նաև ոլորտի զարգացման և մրցունակության բարձրացման հնարավորությունները։

Առանձին անդրադարձ է կատարվել ջերմոցային վարդերի արտահանման լոգիստիկ և տրանսպորտային առանձնահատկություններին, մաքսային ձևակերպումներին և ոլորտին վերաբերող այլ հարցերի։

Պապոյանն ընդգծել է ոլորտի անխափան գործունեության, հայկական ջերմոցային վարդերի արտահանման մրցունակության բարձրացման և նոր շուկաներում հայկական արտադրանքի դիրքերի ամրապնդման կարևորությունը։