Պուտինը դիմել է Ռուսաստանի հրեաներին

Ռուսաստանի նախագահ Վլադիմիր Պուտինը շնորհավորել է երկրում բնակվող հրեաներին Ռոշ հա-Շանայի՝ հրեական օրացույցով Նոր տարվա կապակցությամբ։ Շնորհավորական ուղերձը հրապարակվել է Կրեմլի պաշտոնական կայքում։

Պուտինը նշել է, որ Ռուսաստանի հրեական կազմակերպությունները ակտիվ մասնակցություն ունեն երկրի հասարակական կյանքում և կարևոր ներդրում են ունենում հայրենասիրական, կրթական ու բարեգործական նախաձեռնությունների իրականացման գործում։

Ռոշ հա-Շանան տևում է երկու օր, որից հետո սկսվում են ապաշխարության տասը օրերը՝ «Ահեղ օրերը», որոնք ավարտվում են Յոմ Կիպուրով։