Հայաստանի ԶՈւ պատվիրակությունն այցելել է Հնդկաստանի ռազմաօդային բազա

Հայաստանի զինված ուժերի հինգ հոգուց բաղկացած պատվիրակությունը՝ ԳՇ Գլխավոր օպերատիվ վարչության պետի տեղակալ, գեներալ-մայոր Ալեքսանդր Ցականյանի գլխավորությամբ, այցելել է Հնդկաստանի ռազմաօդային ուժերի ավիաբազա։ Այս մասին հայտնում է Հնդկաստանի ռազմաօդային ուժերի մամուլի ծառայությունը։

Այցի շրջանակում հայկական պատվիրակության համար կազմակերպվել է շրջայց ավիատեխնիկայի շահագործման և տեխնիկական սպասարկման համար նախատեսված օբյեկտներում։

Հնդկական կողմի փոխանցմամբ՝ այցը նպաստել է երկու երկրների ռազմական համագործակցության ամրապնդմանը, փոխըմբռնմանն ու փորձի փոխանակմանը, ինչպես նաև օպերատիվ համատեղելիության զարգացմանը։

Նշվում է, որ այցը վերահաստատել է Հայաստանի և Հնդկաստանի միջև պաշտպանության ոլորտում առկա սերտ կապերը։