Բժիշկները նշել են դեմենցիայի վաղ ախտանշանները, որոնք հաճախ աննկատ են մնում
Գիտություն և Մշակույթ
Դեմենցիայի վաղ ախտանշանները կարող են այնքան աննկատ լինել, որ դրանք հաճախ շփոթում են տարիքային սովորական փոփոխությունների հետ։ Այս մասին Newsweek-ին հայտնել են նյարդաբան Ջո Վերգեզեն և դեմենցիայի մասնագետ, ծերաբույժ Մալազ Բուստանին։
Վերգեզեի խոսքով՝ ուշադրություն պետք է դարձնել, եթե մարդը սկսել է մոռանալ վերջերս տեղի ունեցած իրադարձությունները, դժվարանում է բառեր ընտրել, վճարումներ կատարել, ճիշտ ընդունել դեղերը կամ կատարել նախկինում սովորական գործողությունները։ Հնարավոր ախտանշաններից են նաև ծանոթ վայրերում կողմնորոշվելու դժվարությունը, քայլվածքի, վարքագծի և հոտառության փոփոխությունները։
Բուստանին ընդգծել է, որ հիվանդության սկզբնական դրսևորումները երբեմն կարող են չնկատել նույնիսկ բժիշկները։ Նա պատմել է, որ ժամանակին չի կարողացել դեմենցիայի նշաններ նկատել սեփական հոր մոտ։ Կասկածներն առաջացել են միայն այն բանից հետո, երբ հայրը հոսպիտալացվել է դեղերի սխալ ընդունման ծանր հետևանքների պատճառով։ Բժշկի գնահատմամբ՝ այդ պահին հիվանդությունն արդեն մի քանի տարի զարգանում էր։
Մասնագետները շեշտել են, որ դեմենցիայի վաղ հայտնաբերումը կարևոր է ոչ միայն հետագա փոփոխություններին պատրաստվելու, այլև հիվանդության զարգացումը հնարավորինս դանդաղեցնելու համար։
ՈՒՂԻՂ ԵԹԵՐ
Ամենադիտված 
«Սա արդեն իսկական պատերազմի սկիզբ է»․ Լավրովը զգուշացրել է 
