Ռուսական լրատվամիջոցն անդրադարձել է Հայաստանի՝ ՆԱՏՕ-ի անդամ երկրի հետ ռազմական համագործակցությանը

Ռուսական Lenta.ru լրատվականը ուշադրություն է հրավիրել Հայաստանի և ՆԱՏՕ-ի անդամ Լեհաստանի միջև պաշտպանական համագործակցության ընդլայնման վրա։

Պարբերականը, հղում անելով News.am-ին, գրում է, որ Հայաստանի կառավարությունը հավանություն է տվել Լեհաստանի հետ պաշտպանության ոլորտում համագործակցության մասին համաձայնագրի վավերացմանը։

Ռուսական լրատվամիջոցը նյութը հրապարակել է «Հայաստանը ցանկացել է ռազմական ոլորտում համագործակցել ՆԱՏՕ-ի անդամի հետ» վերնագրով՝ առանձնահատուկ ընդգծելով Լեհաստանի՝ Հյուսիսատլանտյան դաշինքի անդամ լինելու հանգամանքը։