Չանցար ատեստավորումը՝ այլևս ուսուցիչ չես լինի․ Փաշինյան
Հայաստան
Վարչապետ Նիկոլ Փաշինյանը հայտարարել է, որ ատեստավորման նվազագույն շեմը չհաղթահարած ուսուցիչներին այլևս չի թույլատրվի աշխատել դպրոցներում։
«Ատեստավորում չանցած ուսուցիչները այլևս չեն աշխատում դպրոցում։ Մենք նրանց համար երեք շանս ենք ստեղծել, վերապատրաստման ծրագիր ենք իրականացրել, հրավիրել ենք, բայց էլ չենք կարող։ Եթե երրորդ փորձից հետո ատեստավորման նվազագույն շեմը չի անցնում, մենք արգելում ենք նրան այլևս աշխատել որպես ուսուցիչ»,– Կառավարության նիստում ասել է Փաշինյանը։
Նրա խոսքով՝ ուսուցիչը հետագայում կարող է զբաղվել իր որակավորման բարձրացմամբ և կրկին վերադառնալ դպրոց։
Փաշինյանը նշել է, որ կրթության բովանդակության հարցում նախկինում բազմաթիվ փոխզիջումների են գնացել, քանի որ այս պահին հնարավոր չէ բոլոր թափուր հաստիքները համալրել պահանջվող որակավորում ունեցող մասնագետներով։
Վարչապետի խոսքով՝ ատեստավորման և դպրոցաշինության ծրագրերի արդյունքում աճել է նաև մանկավարժական ֆակուլտետներ դիմողների թիվը, ինչը, ըստ նրա, վկայում է ընտրված ուղղության ճիշտ լինելու մասին։
ՈՒՂԻՂ ԵԹԵՐ
Ամենադիտված 
«Սա արդեն իսկական պատերազմի սկիզբ է»․ Լավրովը զգուշացրել է 
