Մահացել է Իտալիայի նախկին արտգործնախարար Էմմա Բոնինոն
Աշխարհ
Իտալացի քաղաքական գործիչ Էմմա Բոնինոն, ով Ռադիկալ կուսակցության հիմնադիրներից մեկն է, մահացել է 78 տարեկան հասակում: Մահվան մասին հայտարարել է «+Եվրոպա» կուսակցությունը, որի անդամն էր նա։
«Այսօր մեր առաջնորդը լքեց մեզ. մեր երկրի պատմության ամենաքաջ և ամենաազատ քաղաքական գործիչներից մեկը մահացել է», - ասվում է կուսակցության հայտարարության մեջ։
Բոնինոն 2013-2014 թվականներին զբաղեցրել է արտաքին գործերի նախարարի պաշտոնը, ինչպես նաև զբաղեցրել է նախարարական պաշտոն Ռոմանո Պրոդիի կաբինետում (2006-2008): Նրա մասին նշվում էր որպես նախագահի հնարավոր թեկնածու: Սակայն մի քանի տարի առաջ նրա մոտ ախտորոշվել էր քաղցկեղ, որից նա ապաքինվել էր: Մի քանի օր առաջ հայտարարվեց, որ նա հոսպիտալացվել էր ծանր շնչառական կաթվածով։
2023 թվականին իր հոսպիտալացման ժամանակ նրան այցելել էր Հռոմի պապ Ֆրանցիսկոսը: Ռադիկալ կուսակցությունը, ի թիվս այլ բաների, պաշտպանում էր կանանց աբորտի իրավունքը:
«Էմմա Բոնինոն տասնամյակներ շարունակ ներկայացրել է իտալական քաղաքականության մեջ հզոր ձայն՝ միշտ վճռականորեն պաշտպանելով իր գաղափարներն ու դիրքորոշումները: Մեր քաղաքական պատմությունները շատ տարբեր են, բայց դա չի խանգարում ինձ ճանաչել նրա աշխատանքի կարևորությունը մեր երկրի համար», - գրել է Իտալիայի վարչապետ Ջորջիա Մելոնին:
ՈՒՂԻՂ ԵԹԵՐ
Ամենադիտված 
«Սա արդեն իսկական պատերազմի սկիզբ է»․ Լավրովը զգուշացրել է 
