Զատիկի հետ հանդիպումը կարող է վտանգավոր լինել․ բժիշկը նշել է հնարավոր հետևանքները

Զատիկի խայթոցը որոշ մարդկանց մոտ կարող է առաջացնել ալերգիկ ռեակցիաներ՝ ընդհուպ մինչև եղնջացան և ասթմայի նոպաներ։ Այս մասին ՌԻԱ Նովոստիին հայտնել է ընդհանուր պրակտիկայի բժիշկ Ելենա Պավլովան։

Մասնագետի խոսքով՝ խայթոցը սովորաբար զգացվում է որպես թեթև ծակոց կամ կսմթոց և տեսանելի վնասվածք չի առաջացնում։ Հիմնական վտանգը կապված է ալերգիկ ռեակցիայի հետ։ Վտանգ զգալու դեպքում զատիկները կարող են արտազատել դեղնավուն պաշտպանիչ հեղուկ, որը որոշ մարդկանց մոտ առաջացնում է քթահոսություն, փռշտոց, աչքերի կարմրություն, եղնջացան, իսկ ավելի ծանր դեպքերում՝ ասթմայի նոպաներ։

Պավլովան խորհուրդ է տվել հատկապես ալերգիայի հակված մարդկանց ձեռքով չդիպչել և չճզմել զատիկներին։ Եթե միջատի արտազատած հեղուկը հայտնվել է մաշկի վրա, այն պետք է անմիջապես լվանալ ջրով։