Արարատ Միրզոյանն ընդունել է Պակիստանի առաջին դեսպանին

ՀՀ արտաքին գործերի նախարար Արարատ Միրզոյանն ընդունել է Հայաստանի Հանրապետությունում Պակիստանի առաջին դեսպան Շաֆքաթ Ալի Խանին, որի նստավայրը Աբու Դաբին է։ Դեսպանը նշանակվել է Հայաստանի և Պակիստանի միջև դիվանագիտական հարաբերությունների հաստատումից հետո։

Հանդիպման ընթացքում ընդգծվել է Հայաստանի և Պակիստանի միջև երկկողմ օրակարգի զարգացման կարևորությունը, ինչպես նաև այդ ուղղությամբ երկու երկրների փոխադարձ քաղաքական պատրաստակամությունը։

Կողմերը քննարկել են այդ նպատակով նախատեսվող քայլերը, ինչպես նաև մտքեր փոխանակել տարածաշրջանային գործընթացների շուրջ։