Աստրախանի օդանավակայանում ժամանակավորապես սահմանափակվել են թռիչքները

Աստրախանի օդանավակայանում ժամանակավոր սահմանափակումներ են մտցվել օդանավերի ընդունման և մեկնման համար։ Այս մասին հայտնել է ՌԴ օդային տրանսպորտի դաշնային գործակալությունը՝ «Ռոսավիացիան»։

Գերատեսչության հաղորդագրության համաձայն՝ սահմանափակումները կիրառվել են թռիչքների անվտանգությունն ապահովելու նպատակով։

Սահմանափակումների գործողության ժամկետի և դրանց վերացման հնարավոր ժամկետների մասին առայժմ տեղեկություն չի հաղորդվում։